CRÓNICA III TORNEO INTERNACIONAL DE AS PONTES
- As parellas Monfort/Monfort e Imargues/Zunzunegui foron as vencedoras dun trofeo que xuntou a grandes xogadores a niven autonómico e nacional
O III Torneo Internacional “Lago de As Pontes”, que coronou ás parellas Monfort/Monfort (masculino) e Imargues/Zunzunegui (feminino), foi o espectacular colofón a un vibrante verán que puxo punto e final á tempada oficial de praia.
O pasado fin de semana este areal coruñés acolleu un dos trofeos máis vistosos da tempada organizado polo Club Deportivo Aldebarán e a Federación Galega de Voleibol coa inestimable colaboración do concello de As Pontes. Este torneo reúne cada ano a grandes xogadores de reconocido prestixio tanto a nivel autonómico como nacional e pon o broche final ao Circuito Galego de Volei Praia.
A proba de As Pontes tamén foi escenario de excepción para o desenlace do Circuito Galego de Categorías inferiores, con probas durante todo o fin de semana para a canteira da nosa terra.
O sábado tiveron lugar as competicións Sub 19 e infantil mentres que o domingo foi a quenda dos cadetes e alevíns.
Na categoría máis “veterana” resultaron gañadoras as campionas galegas da categoría Sub 21, Laura Vázquez (Voleiboleiros Sada) e Iria Causin (VP Lugo).
No apartado masculino os vencedores foron os ferroláns Martín Villar e Alejandro Vigo.
En canto á categoría infantil, de novo o Voleiboleiros Sada subía ao máis alto do podio feminino, coa vitoria de Sandra Castro e Carlota Vilariño.
Na xornada dominical, Laura Vázquez repetía ouro na categoría cadete, nesta ocasión xunto coa súa compañeira do Voleiboleiros Sada, María Pedreira, tras vencer nun duelo fraticida a Sadra Castro e Carlota Vilariño na final e certificar a primeira praza do ranking neste apartado. O cadro de honra péchabase coa dupla do Club ourense Volei Praia que forman Alicia Viso e Xiana Cid.
No apartado masculino os campións da proba foron Martín Villar e Samuel Tembras, do CM Ferrol.
Por último tamén as máis cativas tiveron a oportunidade de disfrutar dunha xornada de volei praia no areal pontés, destacando as parellas Pisos/Vilariño e Vázquez/Acebes.
A proba de As Pontes, organizada pola Federación Galega de Voleibol xunto co Club Deportivo Aldebarán e o Concello local, pecha o Circuito Galego e pon o broche final á competición autonómica de volei praia 2017 de carácter oficial en calquera das súas categorías.
